Click here for the English translationAsesu'r sefyllfa
Dyma gyngor y Gorau o’r Ddau Fyd, dylech:
1) nodi safle ac enw’r tir a/neu’r dwr y dymunir cynnal gweithgaredd hamdden arno
2) dadansoddi’r sefyllfa bresennol ar y safle o safbwynt
- rheoli tir/dwr
- pam y mae’r safle o ddiddordeb o safbwynt cadwraeth natur/tirwedd
- defnydd presennol at ddibenion hamdden
3) gwybod sefyllfa gyfreithiol y gwahanol grwpiau neu garfanau
Efallai bod pobl am ymweld â safle am lawer o wahanol resymau, er enghraifft er mwyn cerdded, canwio, marchogaeth, gyrru neu hedfan barcutiau neu awyrennau, gwylio bywyd gwyllt, neu eistedd a mwynhau’r heddwch. Nid yw’r gweithgareddau hyn bob amser yn gydnaws â’i gilydd. Mae dangos ystyriaeth tuag at y tir a thuag at eraill yn hanfodol ar gyfer cyflawni’r Gorau o’r Ddau Fyd. Fodd bynnag:
- Gall rhai pobl fod yn arfer hawl statudol tra bod eraill yn arfer rhyddid.
- Ni ellir arfer hawliau a rhyddid ar wahân i’w gilydd – rhaid parchu hawliau pawb.
- Mae hawliau a rhyddid yn dod â chyfrifoldeb yn eu sgîl.
- Yn aml, bu’n rhaid i bobl frwydro’n galed i ennill rhyddid a hawliau ac o’r herwydd mae pobl yn gyndyn o ildio rhag ofn i’r hawliau hyn gael eu herydu.
- Lle ceir buddiannau sy’n cystadlu yn erbyn ei gilydd, mae’n bosibl y bydd rheolwr y safle yn ei gael ei hun mewn sefyllfa lle mae’n gweithredu fel cyfryngwr rhwng y gwahanol garfanau.
Un ffordd o ddangos ystyriaeth yw rheoli gwahanol rannau safle mewn gwahanol ffyrdd. Er enghraifft, caiff un Ardal o Harddwch Naturiol Eithriadol (sydd yn Safle o Ddiddordeb Gwyddonol Arbennig y mae nifer helaeth o bobl yn ymweld ag ef ar gyfer pob math o wahanol weithgareddau) ei rhannu yn dri at ddibenion rheoli, a cheir ardaloedd tawel, ardaloedd lle caiff mynediad ei reoli ac ardaloedd prysur.
Felly, mae hi’n werth dadansoddi’r sefyllfa a phenderfynu:
- pa fath o weithgareddau a gaiff eu cynnal ar safle;
- pa fathau o hawliau statudol a rhyddid traddodiadol a gaiff eu harfer;
- sut y caiff y safle ei reoli mewn perthynas â defnydd hamdden.
Dylech geisio dod i wybod pwy sydd â hawl gyfreithiol i wneud beth, gan fod yna lawer o wahanol seiliau cyfreithiol ar gyfer mynediad cyhoeddus.
Cliciwch yma i fynd i dudalen Mathau o fynediad
Ceir sawl math o ddefnyddiwr hefyd
Cliciwch yma i fynd i dudalen Mathau o ddefnyddwyr
Efallai y bydd angen ichi wneud ymholiadau penodol ynghylch eich safle.
Cliciwch yma i fynd i dudalen O Ble y Gellir Cael Mwy o Wybodaeth
Cliciwch yma i fynd i dudalen Canllawiau Fesul Cam
