Click here for the English translationEffeithiau Gweithgareddau Awyr Agored ar Warchod Natur
Mae bron pob gweithgaredd dynol yn cael effaith ar yr amgylchedd. Gall yr effeithiau fod yn gadarnhaol neu’n negyddol. Fodd bynnag, mae pobl yn gweld yr effeithiau mewn modd gwahanol, gan ddibynnu ar eu gwahanol safbwyntiau:
Mae rheolwyr safle, ffermwyr a choedwigwyr:
- Yn adnabod eu safleoedd yn well na’r rhan fwyaf o bobl gan iddynt feithrin perthynas agos â’r safle dros gyfnod hir, a hynny drwy bob tymor a thywydd.
- Yn gweld yr holl ymwelwyr â’r safle ac yn sylweddoli bod yr effeithiau yn medru cynyddu fel caseg eira.
- Yn cofio’r profiadau gwael â’r cyhoedd (er bod y rhain yn brin at ei gilydd).
Mae’r rheiny sy’n ymwneud â gweithgareddau hamdden awyr agored:
- Yn ymweld â llawer o safleoedd wrth gymryd rhan yn eu gweithgareddau.
- Yn gweld, hwyrach, y gallai eu presenoldeb gael effaith ar yr amgylchedd, ond hwyrach nad ydynt yn gweld effaith y gaseg eira.
- Yn cofio’r profiadau pleserus (niferus) o ymweld â’r safle a phrofi byd natur.
Mae angen i bob un ohonynt ddeall safbwynt y llall. Mae ymchwil gwyddonol yn ein helpu i ddeall yr effeithiau gwirioneddol y mae gweithgareddau awyr agored yn eu cael ar yr amgylchedd naturiol. Mae’r effeithiau niweidiol cyffredin yn cynnwys:
- tarfu ar anifeiliaid; yn fynych mae cwn yn gwneud hyn yn waeth
- sathru
- erydu
- tanau
- sbwriel a llygredd
- amharu ar fwynhad eraill drwy gynnal gweithgareddau anghydnaws.
A pheidiwch ag anghofio’r manteision o gynyddu mynediad cyhoeddus. Cliciwch yma i fynd yn ol at tydalen Manteision Gweithgareddau Awyr Agored i’r Amgylchedd Naturiol
Mae’r effeithiau’n gallu bod yn fwy difrifol pan fo’r gweithgaredd yn ddigwyddiad sydd wedi'i drefnu a hwnnw’n un mawr. Mae cael nifer helaeth o bobl mewn un lleoliad neu’n teithio ar hyd rhai llwybrau penodol yn dwysáu’r pwysau. Cliciwch yma i fynd yn ol at tydalen Cynllunio Digwyddiad
Mae English Nature wedi ymgymryd ag arolwg manwl o’r ymchwil i effeithiau ystod o weithgareddau hamdden (gweler: Sport and Nature Conservation). Mae English Nature hefyd wedi cynhyrchu Llawlyfr Arfer Da, sy’n rhoi canllawiau pellach ynghylch sut y mae asesu effeithiau gweithgareddau hamdden ar safleoedd penodol (gweler: Access-Nature Conservation Good Practice Handbook)
Ceir rhestr o rywfaint o’r gwaith ymchwil diweddar i effeithiau gweithgareddau hamdden, gan gynnwys y rhai a restrir uchod, yn yr adran Darllen Pellach. Cliciwch yma i agor Cyfeiriadau a Darllen Pellach
