Click here for the English translationMathau o ddefnyddwyr
Ceir amrywiaeth eang o weithgareddau hamdden gwahanol. Hefyd, ceir casgliad enfawr o hawliau gwahanol yn ymwneud â mynediad. Mae gwybod pa hawliau sydd gan bobl ar gyfer mynd i’r afael â gweithgaredd yn bwysig wrth gynnal trafodaeth o unrhyw fath â thirfeddianwyr a hamddenwyr. Ar ei symlaf, gellir dosbarthu’r berthynas yn bedwar categori sylfaenol:
1. Gweithgaredd trefnedig/grwp lle mae angen caniatâd tirfeddiannwr
2. Gweithgaredd trefnedig/grwp lle nad oes angen caniatâd y tirfeddiannwr
3. Gweithgaredd unigol lle mae angen caniatâd y tirfeddiannwr
4. Gweithgaredd unigol lle nad oes angen caniatâd y tirfeddiannwr
Yna, ceir y rheini nad ydynt yn poeni o gwbl am gadw at y rheolau – gellir ystyried y rhaid fel ‘ymylon carpiog’ neu ‘addolwyr rhyddid’. Gweler y gymeriadaeth isod.
Pam y mae’r gymeriadaeth hon yn bwysig?
- Mae’n effeithio ar yr hyn y gallwch ei wneud
- Mae amodau neu gytundebau yn haws eu gorfodi pan fo’r caniatâd yn ymdrin â gweithgaredd trefnedig neu’n weithgaredd grwp
- Pan nad oes angen cael caniatâd, fe fydd ymddygiad neu godau ymarfer gwirfoddol yn fwy addas
- Ond drachefn, mae hi’n haws rhoi gwybodaeth i bobl ynghylch dilyn codau ymarfer gwirfoddol pan gaiff gweithgaredd ei drefnu neu ei gynnal gan aelodau clwb, yn hytrach na gweithgareddau a wneir gan unigolion digysylltiad
Cliciwch yma i fynd i dudalen Mathau o Fynediad
Mae hi’n haws deall y diagram trwy roi enghreifftiau syml:
- Blwch 1: Mae digwyddiad cyfeiriadu a gynhelir mewn coetir preifat yn weithgaredd grwp lle mae angen cael caniatâd y tirfeddiannwr. Efallai y bydd yn dymuno cyfyngu ar y niferoedd neu ar y llecynnau y dylid eu troedio.
- Blwch 2: Mae’n debyg fod angen cael caniatâd y tirfeddiannwr i ddringo creigiau mewn hen chwarel yn yr iseldir, ac efallai y bydd ef yn dymuno cymryd camau i gyfyngu ar ei atebolrwydd tuag at y dringwyr cyn rhoi ei ganiatâd.
- Blwch 3: Gweithgaredd grwp yw grwpiau o gerddwyr dan arweiniad, ond nid oes angen caniatâd y tirfeddiannwr pan fo’r teithiau cerdded yn mynd trwy dir mynediad neu ar hyd llwybrau cyhoeddus. Efallai y bydd y tirfeddiannwr yn dymuno annog y cerddwyr i gadw at godau ymarfer gwirfoddol.
- Blwch 4: Nid yw rhywun sy’n gyrru cerbyd gyriant pedair olwyn ar hyd cilffordd ar draws gweunydd angen caniatâd y tirfeddiannwr, ond fe fydd gyrwyr cyfrifol yn debygol o ddilyn y Cod Ffyrdd Gwyrdd.
Byddai’n ddefnyddiol ichi ystyried pa flwch yw’r disgrifiad gorau o’ch sefyllfa chi a sut y bydd hyn yn dylanwadu ar yr hyn y gellir ei gyflawni trwy gyfrwng trafodaethau. Ym mhob achos bron iawn, mae’n debyg y gellir dod o hyd i ateb, ond gall yr atebion fod yn bur wahanol.
Ym mhob achos, Cliciwch yma i fynd i dudalen Cael Cytundeb
Ar gyfer Blychau 1 a 2, ac i gael enghreifftiau, Cliciwch yma i fynd i dudalen Mathau o Gytundebau
Ar gyfer Blychau 3 a 4, ac i gael enghreifftiau, Cliciwch yma i fynd i dudalen Codau a pholisïau
Efallai y byddwch angen i eraill egluro’n well sut fathau o ddefnyddwyr sydd â hawliau mynediad ar diroedd arbennig.
Cliciwch yma i fynd i dudalen O Ble y Gellir Cael Mwy o Wybodaeth
