Click here for the English translationBeth yw tirweddau gwarchodedig
Dynodiadau/diffiniadau tirwedd
Mae rhai o’n tirweddau mwyaf trawiadol yn cael eu gwarchod drwy ddynodiad statudol er mwyn cadw a gwella eu nodweddion arbennig ar gyfer y genhedlaeth bresennol a’r rhai sydd i ddod. Rhestrir y dynodiadau sy’n berthnasol i’r Deyrnas Unedig isod.
Tra defnyddir enwau cyffredin ar gyfer rhai dynodiadau, bydd y ddeddfwriaeth yn aml wedi’i theilwrio i’r amgylchiadau penodol ym mhob gwlad. Mae’r tudalennau ar bob dynodiad yn nodi lle bo hyn yn wir a’r trefniadau sy’n berthnasol.
- Parciau Cenedlaethol (Cymru, Lloegr a’r Alban)
- Ardaloedd o Harddwch Naturiol Eithriadol (Cymru, Lloegr a Gogledd Iwerddon)
- Ardaloedd Golygfaol Cenedlaethol ac Ardaloedd o Werth Tirweddol Mawr (Yr Alban)
- Arfordiroedd Treftadaeth (Cymru a Lloegr)
Mae nifer o ddynodiadau eraill wedi’u seilio ar feini prawf ar wahân i dirwedd, fel “Geobarciau” a “Pharciau Rhanbarthol” neu feini prawf daearegol all fod o ddiddordeb i weithgareddau cadwraeth awyr agored. Yn yr Alban, gall cyfyngiadau arbennig fod yn gymwys mewn “Parthau Gwarchodaeth a Ffefrir”.
